Informashonon tokante remedi komprendibel i aksesibel den bo idioma
Pa hende ku ta biba na Aruba i Kòrsòu.
Ki ta Mi Remedi?
Mi Remedi ta duna informashon profeshonal pa yuda kada persona uzá nan remedi di e manera korekto. Nos ta hasi esaki ku videonan animá den Papiamento i Papiamentu. E informashon den e videonan ta konfiabel, fásil pa komprondé i fásil pa kòrda.
Hopi hende ta hañ’é difísil pa siguí uza nan remedinan manera mester ta. Loke ta pone ku nan ta uzá nan remedinan di manera inkorekto òf ta stòp di uzá nan mes. Esaki por trese problema grandi pa salú. Nos ke kambia esaki.
Dor di duna e informashon korekto tokante remedi, Mi Remedi ta yuda kada persona sinti mas konfiansa i den kontrol di nan rutina di salú.
Haña respuesta na pregunta manera:
Pa sa si bo ta uza bo remedi korektamente, bishitá nos página di remedi i wak e video. E videonan aki ta duna guia, huzando pinturanan
i palabra fásil pa yuda bo komprondé kon pa uza bo remedi ne manera ku ta korekto. Bo por haña e página di remedi si bo pidi bo botikario pa e kódigo QR òf e link (URL)
*Nota: Te awor aki ta pa selekshon di remedi so tin videonan ta disponibel.
Bo por haña infromashon tokante e posibel efektonan sekundario di bo remedi. Wak e video animá, via e kódigo QR òf link ku bo ta
haña serka bo botikario.
Kada video ta duna’bo un bista general di e efektonan sekundario mas komun i kiko bo mester hasi si bo haña nan. E informashon ta presenta den Papiamentu pa yuda bo komprondé mihó.
*Nota: Te awor aki ta pa selekshon di remedi so tin videonan ta disponibel.
Nos videonan ta informa’bo hon pa hasi uzo di bo remedinan korekto. Tambe bo ta haña infromashon tokante e dosis, e orario di uza bo
remedi i kualke instrukshon spesial.
Esaki ta yuda sigurá ku bo ta uza bo remedi di un manera segurá I bon. Bishitá nos página di remedi òf uza e kódigo QR ku ta hiba bo
mesora na e video di bo remedi.
*Nota: Te awor aki ta pa selekshon di remedi so tin videonan ta disponibel.
Kon e ta traha?
Paso 1. Haña e código QR òf enlace di web
Ora bo bai buska bo remedi na botika, pidi e botikario pa e kódigo QR òf link di wè ku ta yuda bo mira bo video.
Paso 2. Skèn e kódigo QR òf yena e link online
Skèn e kódigo QR ku bo telefòn òf yena e link den bo navegador pa wak e videonan. E ta traha mesora, no tin mester di aplikashon òf ingresa (log in).
Paso 3. Buska i skohe e tópiko ku bo mester
E videonan ta kòrtiku i partí den partinan fásil manera kon pa uza dje, efekto sekundario, òf kiko pa hasi si bo lubida tuma e dosis. Bo por primí riba kada parti uzando e ménu na banda drechi.
